އާ އަހަރާއެކު އާރުޑީސީގެ އާ ލޯގޯ އިފްތިތާޙްކޮށްފިއެވެ.
އެ ކުންފުނިން އާ ލޯގޯ އާންމުކުރުމަށް ފަހު ބުނީ ލޯގޯ އިން ދައްކައިދެނީ ދިވެހިންގެ އަތްތެރިކަމުގެ އެންމެ އަސާސީ ބިންގައު ކަމަށެވެ. އެގޮތުން ދިވެހި ރުކުގެ ފަން ވިނުމުގެ ފުރަތަމަ މަރުހަލާ ފެންނަ މި ލޯގޯއިން އާރުޑީސީގެ އުފެއްދުންތެރިކަމާއި އިމާރާތްކުރުމުގެ ފެށުން ދައްކުވައިދޭ ކަމަށެވެ.
ދިވެހިރާއްޖޭގެ އާދަކާދަ އާއި ސަގާފަތުގައި ދިވެހި ރުކުގެ ފަނުން ވިޔެފައިވާ ފުރާޅުތަކާއި ފާރުތަކަކީ ކާބަފައިން ދިރިއުޅުމުގެ ކަންކަމަށް އޭރު ބޭނުންކޮށްފައިވާ އެންމެ މުހިންމު އެއް ވަސީލަތެވެ. އޭރު ރާއްޖޭގެ ކޮންމެ ރަށެއްގައިވެސް ފެނިގެންދިޔައީ ފަނުން ވިޔެފައިވާ ގެތަކާއި ފުރާޅުތަކެވެ.
މިއަދު އާރުޑީސީ ރީބްރޭންޑް ކުރުމުގައި މި ވިޔުމުގެ ފަންނުން “އިންސްޕިރޭޝަން” ލިބިގަންނަނީ ގެދޮރު އިމާރާތްކުރުމަށް ބޭނުންކުރި ދިވެހި ރުކުގެ ފަނުންއެކުލެވިގެންވާ މުހިންމު މާނަތަކުގެ ސަބަބުން ކަމަށް އެ ކުންފުނިން ބުނެއެވެ.
މި ކުންފުނީގެ ލޯގޯގައި ހަ ކަން (ހެކްސަގޮން) މި ބައްޓަމުން ދައްކުވައިދެނީ ކުންފުނީގެ ހަރުދަނާކަމާއި، ބިންގަލުގެ ވަރުގަދަ ކަމެވެ.
އާރުޑީސީ އުފެއްދި މަޤްޞަދަކީ މަގުތައް ހެދުމާއި، ދާލަންތައް މަރާމާތުކޮށްބެލެހެއްޓުމާއި، ހައިވޭތަކާއި ކޯޒްވޭތައް ހެދުމާއި، އިމާރާތްކުރުމާއިއިމާރާތްކުރާ ސާމާނު ފޯރުކޮށްދިނުމެވެ.