ހުޅުމާލެ ފޭސް2ގެ ހިޔާ ޓަވަރުތަކުގެ ބޭރުގައި، ސީސީޓީވީ ކެމެރާ ހަރު ކުރަން ނިންމައިފިއެވެ.
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އިއްޔެ ސޯޝަލް މީޑިއާގައި ކުރި ޕޯސްޓެއްގައި ބުނީ ހިޔާ ސަރަހައްދުގައި ދިރިއުޅޭ މީހުންގެ ރައްކާތެރިކަން ކަށަވަރު ކުރުމަަށް ޓަވަރުތަކުގައި ސީސީޓީވީ ކެމެރާތައް ބެހެއްޓުމުގެ މަސައްކަތް ކުރަމުން އަންނަ ކަމަށެވެ.
އަދި މި ކެމެރާތާކުގެ އެހީގައި ހިޔާ ސަރަހައްދު މޮނީޓާކޮށް ބެލެހެއްޓުން އިތުރަށް ހަރުދަނާ ވެގެންދާނެ ކަމަށް ވެސް އެޗްޑީސީން ބުންޏެވެ.
މުޅި ހުޅުމާލޭގެ ސަލާމަތީ ކަންކަން 24 ގަޑިއިރު ބަލަހައްޓަން އެސްޓޭޓް ސެކިއުރިޓީގެ ހިދުމަތް ވެސް އެޗްޑީސީން ވަނީ ތައާރަފުކޮށްފައެވެ.