އަމާން އުދަރެސްގެ ހަ ވަނަ ޓަވަރުގައި ޖެނެރަލް ޕްރެކްޓިސް (ޖީޕީ) ކްލިނިކެއް ގާއިމް ކުރުމުގެ އަމަލީ މަސައްކަތް ފަހި ދިރިއުޅުން ކޯޕަރޭޝަން (އެފްޑީސީ) އަދި މާލެ ސިޓީ ގްރޫޕް އޮފް ހޮސްޕިޓަލްސްއިން ފަށައިފިއެވެ.
މި މަހުގެ ނުވަ ވަނަ ދުވަހު ވަނީ، މި ކްލިނިކް ގާއިމު ކުރުމަށްޓަކައި އެފްޑީސީއާއި މާލެ ސިޓީ ގްރޫޕް އޮފް ހޮސްޕިޓަލްސްއާ ދެމެދު ކޮމާޝަލް ޔުނިޓް ބޭނުންކުރުމުގެ އެއްބަސްވުމުގައި ސޮއިކޮށްފައެވެ.
މި އެއްބަސްވުމުގެ ދަށުން، ހުޅުމާލޭގެ ދެވަނަ ފިޔަވަހީގައި، އެފްޑީސީއިން ތަރައްގީކޮށްފައިވާ އަމާން އުދަރެސް 6 ވަނަ ޓަވަރުން 6,788.43 އަކަފޫޓުގެ ޖާގައިގެ ކޮމާޝަލް ޔުނިޓެއް ވަނީ މާލެ ސިޓީ ގްރޫޕް އޮފް ހޮސްޕިޓަލްއަށް ދޫކޮށްފައެވެ.
މި ތަނުން ވެކްސިން ދިނުމާއި ކުޑަކުދިންގެ ގްރޯތު މޮނިޓަރިންގ މަސައްކަތާއި، ވެލްނެސް ކްލިނިކް، ކައުންސެލިންގ ހިދުމަތް އަދި ދުންފަތުގެ އިސްތިއުމާލުކުރުން ހުއްޓާލުމަށް ބޭނުންވާ ފަރާތްތަކަށް ހާއްސަ ހިދުމަތްތައް ފޯރުކޮށްދޭނެއެވެ.
އަދި މީގެ އިތުރުން ތަޖުރިބާކާރު ޖެނެރަލް ޕްރެކްޓިޝަނަރުން މެދުވެރިކޮށް ހިދުމަތްތައް ފޯރުކޮށްދެވޭނެއެވެ.