ފުޓްސަލް ރޭންކިންގައި ޔޫރަޕުގެ ބައެއް ގައުމުތަކަށްވުރެ ކުރިއަށް ރާއްޖެ ޖެހިލައިފި

ދުނިޔޭގެ ފުޓްސަލް ރޭންކިންގައި ޔޫރަޕުގެ ބައެއް ގައުމުތަކަށްވުރެ ކުރިއަށް ރާއްޖެ ޖެހިލައިފިއެވެ.

ޖުމްލަ 143 ގައުމެއް ރޭންކުކޮށް، އާންމުކޮށްފައިވާ ތަފްސީލުތަކަށް ބަލާއިރު، ރާއްޖެ ވަނީ ގަދަ 100 ގެ ތެރޭގައި ހިމެނިފައެވެ.

ތަފްސީލުތަކުން ދައްކާ ގޮތުގައި ރާއްޖެ އޮތީ 914.49 ޕޮއިންޓާއެކު ލިސްޓުގެ 99 ވަނައިގައެވެ.

ރާއްޖެއިން ދަށުގައިވާ ޔޫރަޕްގެ ގައުމުތައް:

ތުރުކިއޭ 109 ވަނަ

ގްރީސް 112 ވަނަ

އެސްޓޯނިއާ 113 ވަނަ

ނޮދަން އަޔަލޭންޑް 117 ވަނަ

ސްވިޒަލޭންޑް 120 ވަނަ

ޖިބްރޯލްޓާ 127 ވަނަ

ސަން މަރީނޯ 131 ވަނަ

ސަރަހައްދީ ގައުމުތަކުގެ ފުޓްސަލް ރޭންކިންގެ އެންމެ މަތީގައި އޮތީ ރާއްޖެއެވެ. އެ ގޮތުން ސަރަހައްދީ ފުޓްބޯޅައިގެ ގަދަބާރު އިންޑިއާއާއި ރާއްޖޭގެ ފުޓްސަލްގެ ފަރަގު ބޮޑެވެ. ފުޓްސަލްގައި ރާއްޖެ އޮތީ އިންޑިއާއަށްވުރެ 31 ދަރަޖަ ކުރީގައެވެ.

ފުޓްސަލް ރޭންކިންގައި ރާއްޖެ 99 ވަނައިގައި އޮތްއިރު، އިންގްލޭޑް އޮތީ 97 ވަނައިގައެވެ

ރާއްޖޭގެ ރޭންކިން އަށް މި ބޮޑު ބަދަލެއް އައީ، ދާދިފަހުން ނިމިގެންދިޔަ 2024 ވަނަ އަހަރުގެ ސާފް ފުޓްސަލް ޗެމްޕިއަންޝިޕްގެ ތަށި ރާއްޖެއިން ކާމިޔާބު ކުރުމާ ގުޅިގެންނެވެ.