އެމްޓީސީސީގެ ޑެޕިއުޓީ މެނޭޖިން ޑިރެކްޓަރުކަމުން އަހުމަދު ޝަރީފް އަބްދުއްރަހްމާން ޔޫސުފް ވަކިކޮށްފިއެވެ.
ޝަރީފް ވަނީ މިކަން ކަށަވަރުކޮށްދެއްވާފައެވެ. އޭނާ މަގާމުން ވަކިކޮށްފައި މިވަނީ ސަރުކާރު ކުންފުނިތަކުގެ މުވައްޒަފުން މަދުކޮށް ޚަރަދުތައް ކުޑަކުރުމަށް ޕީސީބީން ދީފައިވާ އިރުޝާދަށް އަމަލުކުރުމުގެ ގޮތުންނެވެ.
ޝަރީފަކީ ކުރީގެ ސަރުކާރުގައި ރީޖަނަލް އެއާޕޯޓްސް ކޮމްޕެނީ ލިމިޓެޑުގެ ނަން އެގްޒެކެޓިވް ޑިރެކްޓަރުގެ މަގާމު އަދާކުރައްވާފައިވާ ބޭފުޅެކެވެ.
ނިމިދިޔަ މަޖިލިސް އިންތިޚާބުގައި ވެސް އަމިއްލަގޮތުން ޝަރީފް ވާދަކުރައްވާފައިވެއެވެ.