ރާއްޖޭގެ އެކި ކަންކޮޅުތަކުގައި ތިބި އުރީދޫ މޯލްޑިވްސްގެ ކަސްޓަމަރުންނަށް މި އަހަރުގެ ރޯދަމަހުވެސް ހާއްސަ އިނާމުތަކެއް ލިބޭ ”ކަރާ ފެޅުން“ ޕްރޮމޯޝަން އޮންނާނެ ކަމަށް އެ ކުންފުނިން ބުނެފި އެވެ.
އުރީދޫ މޯލްޑިވްސް ހެޑް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި އެ ކުންފުނީގެ ސީސީއޯ ހުސެއިން ނިޔާޒް ވިދާޅުވީ އާންމުންގެ މެދުގައި މަގުބޫލު ”ކަރާފެޅުން“ ގޭމް މިފަހަރު ގެނެސްދެނީ ކުރިއަށްވުރެ ފޯރިގަދަކޮށް ކަމަށެވެ.
”’ކަރާފެޅުން‘ ގޭމް މިފަހަރު އުރީދޫއިން މި ގެނެސްދެނީ ކުރިއަށްވުރެ ފޯރިގަދަކޮށް، މުޅިން އާ ފީޗާސްތަކަކާއެކު. މި ފަހަރުގެ ގޭމްގައި އޮތް އެންމެ ހާއްސަ އެއް ކަމަކީ ’ކަރާ ކުއެސްޓް‘ މެޕުން ދައްކާ ތަނަކަށް ގޮސްގެން ކަރާ ފެޅުން،“ ނިޔާޒް ވިދާޅުވި އެވެ.
ނިޔާޒް ވިދާޅުވީ މި ގޭމްގައި ބައިވެރިވާ ފަރާތްތަކަށް ކޮންމެ ދުވަހަކުވެސް ހިލޭ ޑާޓާ އާއި ހާއްސަ އިނާމުތައް ލިބިގެންދާނެ. ކަމަށާއި މޮޅުވާ ޓީމުގެ ބައިވެރިންގެ ތެރެއިން ގުރުއަތުން ހޮވޭ ނަސީބުވެރިޔާއަށް އެއްލައްކަ ރުފިޔާގެ އަގުހުރި ބޮޑު އިނާމު ހޯދުމުގެ ފުރުސަތުވެސް ލިބިގެން ދާނެ ކަމަށެވެ.
އުރީދޫ އިން ބުނީ ކަރާ ފަޅާ ކޮންމެ ކަސްޓަމަރަކަށްވެސް ކޮންމެވެސް ކަހަލަ އިނާމެއް ލިބޭނެ ކަމަށާއި މީގެ ތެރޭގައި ޑޭޓާ ހިމެނޭ ކަމަށެވެ.
މީގެ އިތުރުން ދުނިޔޭގެ ފެންވަރުގެ ކަނެކްޓިވިޓީ އާއި ބްރޯޑްބޭންޑް ހިދުމަތް ފޯރުކޮށް ދިނުމުގައި އުރީދޫ މޯލްޑިވްސް އިން އެންމެ އިސްކޮށް ހަރަކާތްތެރިވާ މިންވަރު ފާހަގަކޮށް، 2025 ވަނަ އަހަރުގެ ދެވަނަ ކުއާޓަރުގައި ރާއްޖޭގެ ބެސްޓް ފިކްސްޑް ނެޓްވޯކްގެ ”އުކްލާ ސްޕީޑް ޓެސްޓް އެވޯޑް“ އުރީދޫ މޯލްޑިވްސްއަށް ލިބުމުން އުރީދޫއިން ވަނީ ރޯދަމަހަށް ހާއްސަކޮށް ސުޕަނެޓް ޕެކޭޖުތަކުގެ ސްޕީޑް އިތުރުކޮށްދީފަ އެވެ.
މިއީ ރާއްޖޭގެ ޓެލެކޮމިއުނިކޭޝަން ކުންފުންޏަކަށް މި އެވޯޑު ލިބުނު ފުރަތަމަ ފަހަރެވެ.
ޕެކޭޖުތަކުގެ ސްޕީޑް އިތުރުކޮށްދީފައިވާ ގޮތް
30 އެމްބީޕީއެސް ޕެކޭޖު – 100 އެމްބީޕީއެސްއަށް
50 އެމްބީޕީއެސް ޕެކޭޖު – 150 އެމްބީޕީއެސްއަށް
100 އެމްބީޕީއެސް ޕެކޭޖު – 200 އެމްބީޕީއެސްއަށް
200 އެމްބީޕީއެސް ޕެކޭޖު – 250 އެމްބީޕީއެސްއަށް
މިއީ އިތުރު ފީއަކާ ނުލައި އޮޓޮމެޓިކުން ލިބޭ އޮފާއެއް ކަމަށް އުރީދޫ އިން ވަނީ ބުނެފަ އެވެ.