ބ. ދަރަވަންދޫ އެއާޕޯޓް އައިލެންޑް އޭވިއޭޝަނާ ހަވާލުކުރުމުގެ މަސައްކަތް މި މަހުގެ ނިޔަލަށް ނިމެނޭ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގައި މި އަހަރުގެ ރިޔާސީ ބަޔާން އިއްވަމުން ރައީސް ވިދާޅުވީ ދަރަވަންދޫ އެއާޕޯޓް އައިލެންޑް އޭވިއޭޝަންގެ ދަށަށް ބަދަލުކުރުމުގެ މަސައްކަތް މި މަހުގެ ނިޔަލަށް ނިންމައި، އެ އެއާޕޯޓް ތަރައްގީކުރުމުގެ މަސައްކަތް ވަރަށް އަވަހަށް ފަށާނެ ކަމަށެވެ.
ދަރަވަންދޫ އެއާޕޯޓަކީ ކޯސްޓްލައިން ކުންފުނިން ހެދި އެއާޕޯޓެކެވެ. އެ އެއާޕޯޓްގެ މިލްކުވެރިކަން އައިލެންޑް އޭވިއޭޝަނަށް ބަދަލުކުރަން ނިންމާފައިވާކަން މިދިޔަ އަހަރު ރައީސް މުއިއްޒު ވަނީ އިއުލާންކުރައްވާފައެވެ.
މީގެއިތުރުން ރައީސް ވިދާޅުވީ ލ. އަތޮޅުގައި ދެވަނަ އެއާޕޯޓެއް އެޅުމުގެ މަސައްކަތް މި އަހަރު ފަށާނެ ކަމަށެވެ.
ހދ. ދިއްދޫ، ހދ. މަކުނުދޫ، ށ. ބިލެތްފަހި، ށ. ކޮމަންޑޫ، ށ. މިލަންދޫ، ނ. ވިހަފަރު، ރ. އަލިފުށި، ރ. ފައިނު، ބ. ތުޅާދޫ، އއ. މަތިވެރި، ފ. ނިލަންދޫ، ފ. މަގޫދޫ، ތ. ގުރައިދޫ، ތ. ވިލުފުށި، ލ. ކައްދޫ، ގއ. ވިލިނގިލި، ގދ. ކާޑެއްދޫ އަދި އައްޑޫ ގަން އެއާޕޯޓް ތަރައްގީކުރުމުގެ މަސައްކަތް ކުރިއަށް ދާނެ ކަމުގެ ޔަގީންކަން ވެސް ރައީސް ދެއްވިއެވެ.
މީގެއިތުރުން ހއ. ހޯރަފުށި، ހދ. ކުޅުދުއްފުށި، ށ. ފުނަދޫ، ގދ. މާވާރުލު އަދި ފުވައްމުލަކު އެއާޕޯޓް އަޕްގްރޭޑް ކުރުމުގެ މަސައްކަތް އެކި މަރުހަލާގައި ކުރިއަށް ދާ ކަމަށް ވެސް ރައީސް ވިދާޅުވިއެވެ.
ރައީސް ޑރ. މުހައްމަދު މުއިއްޒުމި ލިޔުމާ ގުޅޭނުކުޅެދުންތެރިކަން ހުންނަ ކުދިންނަށް ހޯމްސްކޫލިން