ހއ.އުތީމު އަންހެނުންގެ ތަރައްޤީއަށް މަސައްކަތްކުރާ ކޮމިޓީ (ޑަބްލިޔުޑީސީ)ގެ ރައީސާގެ ގޮނޑި ވެރިކަންކުރާ ޕީއެންސީގެ ކެނޑިޑޭޓް އާއިޝަތު ޒަބީނާއަށް ކަށަވަރުވެއްޖެއެވެ.
އެކަން ފާހަގަކުރައްވައި އެ ދާއިރާގެ ރައްޔިތުންގެ މަޖިލީހުގެ މެމްބަރު އިބްރާޙީމް ޝުޖާއު ވަނީ ޒަބީނާއަށް މަރްހަބާ ދަންނަވާފައެވެ. ޝުޖާއު ވިދާޅުވީ ޒަބީ އަކީ ހިނގަމުން މިދާ ދައުރުގައިވެސް މުރާލި ކަމާއެކު އުތީމު ކަނބަލުންގެ ހައްޤުގައި ސާބިތުކަމާއި،ހީވާގި ކަމާއެކު މަސައްކަތްޕުޅު ކުރެއްވި ހީވާގި ކަނބަލެއްކަމަށެވެ. އަދި ރައީސް ޑރ.މުޙައްމަދު މުޢިއްޒު ދިވެހި ކަނބަލުން ބާރުވެރިކުރުވުމަށް ގެންގުޅުއްވާ ހަރުދަނާ ސިޔާސަތުގެ ދަށުން އުތީމު ކަނބަލުންގެ ހައްޤުގައި ވަރުބަލިކަމެއްނެތި ޒަބީ މަސައްކަތްޕުޅު ކުރައްވާނެކަން ޔަގީން ކުރައްވާކަމަށެވެ.
ޒަބީނާއަށް ގޮނޑި ކަށަވަރުވީ އެހެން ކެނޑިޑޭޓަކު އެ ގޮނޑިއަށް ވާދަނުކުރުމުގެ ސަބަބުންނެވެ.
އުތީމް ކައުންސިލްގެ ރައީސްގެ ގޮނޑިވެސް ވަނީ ޕީއެންސީގެ ކެނޑިޑޭޓް އަދި މިހާރުގެ ރައީސް ޢަބްދުﷲ ރަޝީދު 4 ވަނަ ދައުރަކަށް އިންތިޚާބަކާ ނުލައި ކަށަވަރުކޮށްފައެވެ.