ހިއުންޑާއި ގޯލްޑަން ފުޓްސަލް ޗެލެންޖުގެ 2026 ގައި ޒޯން 2 ގައި ރ. ދުވާފަރާއި ށ. ކަނޑިތީމު ބައްދަލުކުރި ފޯރިގަދަ މެޗު ދުވާފަރުން ކާމިޔާބުކޮށްފިއެވެ.
މިރޭ ކުޅެވުނު މެޗު ދުވާފަރުން ކާމިޔާބުކުރީ 2-0 ގެ ނަތީޖާއަކުން ކަނޑިތީމު ބަލިކޮށްގެންނެވެ. ވާދަވެރި ކުޅުމެއް ފެނުނު މިމެޗުގެ ފުރަމަތަ ގޯލް ކާމިޔާބުކޮށްދިނީ ދުވާފަރު ޓީމުގެ މުޙައްމަދު އިސާމް އެވެ. އަދި ދުވާފަރުގެ ދެވަނަ ގޯލް ކާމިޔާބުކޮށްދިނީ އިބްރާހިމް އަނާން އަލީއެވެ. މިގޯލާއެކު މެޗުގެ ފުރަތަމަ ހާފް ނިމިގެން ދިޔައީ 2-0 ގެ ނަތީޖާއަކުން ދުވާފަރު ކުރީގައި އޮވެގެންނެވެ.
ދެވަނަ ހާފު ފަށައިގެން ދެޓީމުންވެސް ގިނަ ހަމަލާތަކެއް އުފެއްދި ނަމަވެސް މެޗު ނިމިގެންދިޔައީ ދެޓީމަށްވެސް އިތުރު ގޯލެއް ކާމިޔާބު ނުކުރެވިއެވެ. މި މެޗުގެ މޮޅު ކުޅުންތެރިއަކަށް ހޮވުނީ ދުވާފަރުގެ މުހައްމަދު އިސާމް އެވެ.
މި ޒޯނުގެ ފަހު މެޗުތައް އޮންނާނީ ޖެނުއަރީ 31 ވާ ހޮނިހިރު ދުވަހުރޭ 20:00 ގައި، ދުވާފަރު މާޅެންދޫއާއި ދެކޮޅަށް ނިކުންނަ އިރު ކަނޑިތީމު ނިކުންނާނީ ފޯކައިދޫއާއި ދެކޮޅަށެވެ..