އެމްބިއުލާންސްގެ ޚިދުމަތް ހުރިހާ ރަށަކަށް ފޯރުކޮށްދިނުމުގެ މަސައްކަތުގެ ދަށުން މިހާތަނަށް 27 ރަށަކަށް ބޭނުންވާ އެމްބިއުލާންސް ފޯރުކޮށްދީފައިވާ ކަމަށް އެ މަސައްކަތް ހަވާލުކޮށްފައިވާ އެމްޕީއެލް އިން ބުނެފިއެވެ.
އެކްސްގައި ކުރި ޕޯސްޓެއްގައި އެ ކުންފުނިން ބުނީ މިހާތަނަށް 27 ރަށަކަށް އެމްބިއުލާންސް ފޮނުވިފައިވާ ކަމަށެވެ.
ޖުމްލަ 56 ރަށެއްގެ ސިއްހީ ޚިދުމަތދޭ ތަންތަނާ ހަވާލުކުރާ އެމްބިއުލާންސްތައް އެ ރަށްރަށަށް ފޮނުވުމުގެ މަސައްކަތް ހެލްތު މިނިސްޓްރީން ހަވާލުކުރީ އެމްޕީއެލްއާއެވެ. އެ ކުންފުނިން އެ މަސައްކަތް ފެށީ މި މަހުގެ 19 ވަނަ ދުވަހު އވެ.
ރަށްރަށަށް ފޮނުވުމަށް 56 އެމްބިއުލާންސް މިހާރު ވަނީ ރާއްޖެ ގެނެސްފައެވެ.
”ބާކީ ހުރި އެމްބިއުލަންސްތައް ވެސް ލިބެންޖެހޭ ރަށްތަކަށް، ކައިރި މުސްތަޤުބަލެއްގައި ފޯރުކޮށްދިނުމުގެ މަސައްކަތް މި ކުންފުނިން ދަނީ ކުރަމުންނެވެ.“ އެމްޕީއެލް އިން ބުންޏެވެ.
މި މަޝްރޫޢަށް ސަރުކާރުން ވަނީ 65.3 މިލިޔަން ރުފިޔާ ޚަރަދުކޮށްފައެވެ.