މުދާ އުފުލާ ބޯޓެއް ބަންޑުން ޖަހާލައި ދެ މީހަކު ގެއްލިގެން ހޯދުމުގެ މަސައްކަތް ފަށައިފިއެވެ.
އެމްއެންޑީއެފް އިން ބުނީ ”ބަލްމާ – 6“ ނަމަކަށް ކިޔާ މުދާ އުފުލާ ބޯޓެއް، ތާޖް އެގްޒޯޓިކާ ރިސޯޓު ކައިިރިއަށް ބަންޑުންޖަހާލައިގެން އެމްއެންޑީއެފް މާލޭ އޭރިއާ ކޮމާންޑް ކޯސްޓްގާޑް ސެކަންޑް ސްކޮޑްރަން އާއި ކޯސްޓްގާޑް ޑައިވަރުންގެ ޓީމެއް ދަނީ ހަރަކާތްތެރިވަމުން އަންނަ ކަމަށެވެ.
އެ ބޯޓުން ދަތުރުކުރި ހަތަރު މީހުންގެ ތެރެއިން ދެ މީހަކު އެ ސަރަހައްދުން ދަތުރުކުރި ދޯންޏަކަށް ނަގާފައިވާ ކަމަށް ވެސް އެމްއެންޑީއެފް އިން ބުންޏެވެ.
ގެއްލުނު ދެ މީހުން ހޯދުމަށް އެމްއެންޑީއެފްގެ ހުރިހާ ވަސީލަތްތައް ބޭނުންކޮށްގެން އަންނަނީ ކުރަމުންނެވެ. މިހާތަނަށް އެ ދެ މީހުން ފެނިފައެއްނުވެއެވެ.