ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ ޑިރެކްޓަރ ޖެނެރަލް މައިމޫނާ އަބޫބަކުރު ރިޓަޔަކުރަން ނިންމަވައިފިއެވެ.
މައިމޫނާ އެޗްޕީއޭގެ ޑިރެކްޓަރ ޖެނެރަލްގެ މަގާމަށް އައްޔަންކުރީ 17 ނޮވެމްބަރު 2016 ވަނަ ދުވަހުއެވެ. އޭގެކުރިން ވެސް އޭނާ ވަނީ ސިއްހީ ދާއިރާއަަށް އެކި ގޮތްގޮތުން ޚިދުމަތް ކުރައްވާފައެވެ.
ވޭތުވެދިޔަ 9 އަހަރުގެ ތެރޭގައި މައިމޫނާ ވަނީ އާންމު ސިއްޙަތުގެ ދާއިރާއިން މުހިއްމު މަސައްކަތްތަކެއް ކުރައްވައިފައެވެ.
ސިއްޙީ ދާއިރާގެ ޚިދުމަތަށް 1990 ގައި ނުކުންނެވުމަށް ފަހު ވޭތުވެދިޔަ 35 އަހަރުގެ ތެރޭގައި މައިމޫނާވަނީ ސިއްޙީ ދާއިރާގެ އެކި މަޤާމުތައް ފުރުއްވައިފައެވެ.
ކޮވިޑްގެ ދުވަސްވަރު އޭނާ އިސްވެ ކުރެއްވި މަސައްކަތްތަަކަކީ ފާހަގަކޮށްލެވޭ މަސައްކަތްތަކެކެވެ.