ސްޓްރޯކެއް ޖެހިގެން ފަރުވާ ދެމުން އަންނަ، މަޝްހޫރު ފިލްމީ ތަރި އަހްމަދު ނިމާލް, އިތުރު ފަރުވާއަށް ރާއްޖެއިން ބޭރަށް ގެންދިއުމުގެ މަސައްކަތް ފަށައިފި އެވެ.
މޯލްޑިވްސް ސޮސައިޓީ ފޯ ޕާފޯމިން އާޓްސް (އެމްއެސްޕީއޭ) އިން މިރޭ ބުނީ ޑޮކްޓަރުގެ ލަފަޔާއެކު އިތުރު ފަރުވާއަށް ނިމާލް, ރާއްޖެއިން ބޭރަށް ގެންދަން މަސައްކަތް ފަށާފައިވާ ކަމަށެވެ.
ނިމާލަށް ސްޓްރޯކެއް ޖެހުނީ މިދިޔަ މަހުގެ 31 ވަނަ ދުވަހުގެ ރޭގެ ވަގުތެއްގަ އެވެ. އޭޑީކޭގައި ފަރުވާ ދިނުމަށް ފަހު މިވަގުތު އައިޖީއެމްއެޗްގެ އައިސީޔޫގައި ދަނީ ފަރުވާ ދެމުންނެވެ.
ރާއްޖޭގެ ފިލްމީ ދާއިރާއިން ފެނުނު އެންމެ މޮޅު އެކްޓަރުންގެ ތެރޭގައި ހިމެނޭ ނިމާލްގެ ހާލަތު ކޮންމެވެސް ވަރަކަށް ރަނގަޅުވަމުން އަންނަ ކަމަށް އާއިލާއިން ދާދިފަހުން ވަނީ ބުނެފައެވެ.