ހއ. ދިއްދޫ އެއާޕޯޓް އެޅުމަށް ބޭނުންވާ ބިން ހިއްކުމުގެ އަމަލީ މަސައްކަތް ފަށައިފިއެވެ.
ދިއްދޫ އެއާޕޯޓް އެޅުމަށާއި އެ ރަށުގެ ތަރައްގީއަށް ބޭނުންވާ ބިން ހިއްކަން ސަރުކާރުން ހަވާލުކުރީ އެމްއޭސީއެލްއާއެވެ.
އެ މަސައްކަތް ކުރުމަށްޓަކައި ގެނައި ދުނިޔޭގެ ތިން ވަނައަށް އެންމެ ބޮޑު ޑްރެޖަރު ބޭނުންކޮށްގެން ބިން ހިއްކުމުގެ މަސައްކަތް ރޭ ފަތިހު 4:00 ހާއިރު ވަނީ ފަށާފައެވެ.
އެމްއޭސީއެލްގެ އަމާޒަކީ ކުރިއަށް އޮތް ތިން މަސް ދުވަހުގެ ތެރޭގައި ބިން ހިއްކައި ނިންމުމެވެ. އެއަށްފަހު ދިއްދޫ ރައްޔިތުން އެދުނުގޮތަށް އެއާޕޯޓް އެޅުމުގެ އަމަލީ މަސައްކަތް ފަށާނެއެވެ.
ރައީސް ޑރ. މުހައްމަދު މުއިއްޒު ވިދާޅުވެފައި ވަނީ ދެން އެމަނިކުފާނު ދިއްދުއަށް ވަޑައިގަންނަވާނީ ދިއްދޫ އެއާޕޯޓަށް ޖައްސާ ފުރަތަމަ ފްލައިޓްގައި ކަމަށެވެ.