ދިވެހި ރައްޔިތުންގެ ދީލަތި އެހީތެރިކަމާއެކު އައްޝައިޚް މުހައްމަދު އިބްރާހީމް ބޭސްފަރުވާއަށް ތައިލޭންޑުގެ ވެރިރަށް ބޭންކޮކަށް ފުރާވަޑައިގެންފިއެވެ.
އައްޝައިޚް މުހައްމަދު އިބްރާހީމްގެ ދެލޮލުގެ ފެނުން ގެއްލި ސިއްހީ މައްސަލަތަކެއް ވަނީ ކުރިމަތިވެފައެވެ. ނަމަވެސް މާލީ ހާލަތު ހުރިގޮތުން ބޭސްފަރުވާ ކުރެވޭނެ ގޮތެއް ނެތުމުން އެހީ ޖަމްއިއްޔާ އިން ވަނީ އެކަމަށް އިސްނަގައިގެން މަސައްކަތްތަކެއް ފަށާފައެވެ.
އެގޮތުން އެ ޖަމްއިއްޔާއިން ހުޅުވާލި ފަންޑްރައިޒިން ފުރުސަތުގައި ދިވެހި ރައްޔިތުންތަކެއްގެ ދީލަތި އެހީތެރިކަމާއެކު މިވަގުތަށް ބޭސްފަރުވާއަށް ބޭނުންވާ ފައިސާ ވަނީ ހަމަޖެހިފައެވެ.
އެހެންވެ ޝައިޚް މުހައްމަދު އިބްރާހީމް މިއަދު ވަނީ ބޭސްފަރުވާއަށް ތައިލޭންޑަށް ފުރާވަޑައިގެންފައެވެ.
އެހީ ޖަމްއިއްޔާ އިން ބުނީ ޝައިޚްގެ ބޭސްފަރުވާއަށް އިތުރަށް ފައިސާ ބޭނުންވާނަމަ އެ ފައިސާ ހޯދުމަށް ވެސް ޚާއްސަ ހަރަކާތެއް ކުރިއަށްގެންދާނެ ކަމަށެވެ.